sýret ashyq derekkózden alyndy
Ishki ister ministrliginiń ókili Petropavl mektebinde bolǵan oqiǵaǵanyń mán-jaiyn baiandady, dep habarlaidy QazAqparat.
Ministrlikte ótken brifingide IIM Kúzet qyzmetin baqylaý departamenti basqarmasy bastyǵynyń orynbasary Serik Quspanov bul oqiǵa Úkimet pen Prezident Ákimshiligi deńgeiinde talqylanǵanyn atap ótti.
«Meniń oiymsha, Ishki ister ministrliginiń qorytyndysy jaqyn arada BAQ-ta jariialanady. Sonymen qatar, mektepterdegi qaýipsizdik problemasyn tek ministrlik ǵana emes, sonymen qatar bilim beri, densaýlyq saqtaý, aqparat jáne qoǵamdyq damý ministrlikteriniń, ákimdikter men basqa da organdardyń qatysýymen Úkimet deńgeiinde sheshý qajet. Óitkeni tótenshe jaǵdaidyń saldarymen kúresip qana qoimai, bolǵan oqiǵanyń sebepterin joiý qajet. Ózderińiz biletindei, kámeletke tolmaǵan qylmysker psihiatriialyq esepte bolǵan. Sonymen qosa, mundai qylmystyq áreketterdi jasaýǵa onyń kompiýterlik oiyndarǵa degen táýeldiligi yqpal etýi múmkin. Mundai oiyndar internette kóp jáne bul balalardyń psihikasyna áser etýi múmkin», - dep málim etti Serik Quspanov.
Spikerdiń málimdeýinshe, qazirgi tańda memlekettik organdar birneshe baǵyt boiynsha bilim uiymdaryndaǵy qaýipsizdikti qamtamasyz etý jumystaryn qolǵa alǵan.
«Oqý-aǵartý ministrligi, Ishki ister jáne Tótenshe jaǵdailar ministrilikterimen birlesip oqý oryndarynda qaýipsizdikti qamtamasyz etý jónindegi jol kartasy bekitildi. Oqý-aǵartý ministrligi bilim obektilerin terrorizmge qarsy is-áreketten qorǵaý jónindegi nusqaýlyqty ázirlep, bekitti. Sondai-aq biz de óz tarapymyzdan qajetti kómek kórsetemiz», - dedi Serik Quspanov.
Eske salaiyq, 13 aqpan kúni Petropavlda 9 synyp oqýshysy mektepke balta men pyshaq ala kelip, 3 oqýshyny jaraqattady. Keiin zardap shekken eki balaǵa ota jasaldy.
Bul oqiǵaǵa qatysty túsinikteme bergen Premer-Ministrdiń orynbasary Altai Kólginov atalǵan mektepte litsenziiasy bar kúzet qyzmeti bolmaǵanyn málim etti.
