Bolat Serikuly Jumabekov Petropavl qalasynyń ákimi bolyp taǵaiyndaldy, dep habarlaidy "Ult aqparat".
Búginge deiin Bolat Jumabekov Ǵabit Músirepov aýdanynyń ákimi bolyp jumys istegen bolatyn.
Aita ketsek, Bolat Serikuly 1972 jylǵy 5 qarashada Kókshetaý oblysynyń (qazirgi Aqmola oblysy) Kýibyshev aýdanyndaǵy Kýibyshev kentinde týǵan.
Aqmola aýyl sharýashylyǵy institýtyn, M. Qozybaev atyndaǵy Soltústik Qazaqstan memlekettik ýniversitetin támamdaǵan. Ǵalym agronom, quqyqtaný bakalavry mamandyǵy bar. Eńbek jolyn 1997 jyly Timiriazev aýdany ákimi apparatynyń mamany bolyp bastady.
1998-2005 jyldary jer qatynastary máseleleri jónindegi jergilikti atqarýshy organdarda jumys istedi. Soltústik Qazaqstan oblysynyń jer resýrstaryn basqarý jónindegi Timiriazev aýdandyq komitetiniń tóraǵasy boldy.
2005 jylǵy aqpanda Timiriazev aýdany aýyl sharýashylyǵy bóliminiń bastyǵy bolyp taǵaiyndaldy. 2007-2009 jyldary Timiriazev aýdanynyń ákimi bolyp eńbek etti.
2009 jylǵy sáýirden 2011 jylǵy qyrkúiekke deiin Soltústik Qazaqstan ákimi apparatynyń basshysy bolyp jumys istedi 2011 jylǵy qyrkúiekte oblys ákiminiń ónerkásip, kásipkerlik jáne turǵyn úi-kommýnaldyq sharýashylyq máseleleri jónindegi orynbasary bolyp taǵaiyndaldy.
2012 jylǵy aqpannan 2013 jylǵy sáýirge deiin - Petropavl qalasynyń ákimi. 2014 jylǵy aqpannan 2014 jylǵy tamyzǵa deiin «JELS-ASTANA» JShS kommertsiialyq direktory bolyp eńbek etti.
2014 jylǵy 14 tamyzdan 2018 jylǵy 24 qańtarǵa deiin Soltústik Qazaqstan oblysy Qyzyljar aýdanynyń ákimi bolyp jumys istedi. Sońǵy taǵaiyndalýǵa deiin 2018 jyldyń 24 qańtarynan Soltústik Qazaqstan oblysy ákiminiń ókimimen Ǵabit Músirepov atyndaǵy aýdannyń ákimi bolyp qyzmet etti.
2010 jyly «Ereń eńbegi úshin» medali, 2016 jyly «Qurmet» ordeni, 2018 jyly «Astanaǵa 20 jyl» mereitoi medali memlekettik nagradalarymen marapattalǵan.
