Jelide Reseidiń Perm ýniversitetinde oq jaýdyrǵan bolýy múmkin kúdiktiniń sýreti tarady. Aldyn ala boljam boiynsha ol 18 jastaǵy Timýr Bekmansýrov dep habarlaidy KAZ.NUR.KZ Life Shot Telegram kanalyna silteme jasap.
Qaiǵyly oqiǵadan 40 minýt buryn ol áleýmettik jelide sýret jariialap, atystyń terakt emes ekenin, muny biraz ýaqyttan beri oilap júrgenin jazǵan.
"Bul týraly burynnan beri armandaitynmyn jáne 10 synyptan beri qarýǵa aqsha jinadym. 2021 jyly litsenziia alý protsedýrasyn bastadym", - dep keltiredi Life Shot onyń sózin.
Sonymen birge, jigittiń tir atý ornynda nusqaýshy bolyp jumys istegeni, keiin bytyraly myltyq satyp alǵany habarlandy.
Boljam boiynsha Timýr Bekmansýrov oq atýǵa yńǵaily jerdi tańdap alǵan. Ol ózi toǵyzynshy synypta qosymsha kýrsqa barǵan, keiin oqýǵa túsken ýniversitetti qolaily oryn dep tapsa kerek.
Al Lenta.ru-dyń jazýynsha, Bekmansýrov sabaqqa kelmeitinin kýrstastaryna aldyn ala eskertken. Bul týraly kúdikti oqyǵan toptyń "starostasy" aitqan. Qyzdyń sózinshe, Bekmansýrov qarýy bar ekenin eshqashan jasyrmaǵan.
"Timýr ekeýimiz bir topta oqimyz. Ol maǵan búgin sabaqqa kelmeitinin aitty. Men "starosta" bolǵandyqtan eskertti. Ol óziniń qarýy bar ekenin aitatyn, №60-mektepte oqyǵan. Men onymen birge úige qaitatynmyn", - deidi stýdent qyz.
Timýr Bekmansýrov Perm memlekettik ýniversitetiniń birinshi kýrsynda oqyǵan. Sol sebepti ony stýdentter jaqsy tanymaǵan.
Kýágerlerdiń aitýynsha, kúdikti ǵimaratqa esh kedergisiz kirip, birinshi qabatta bolǵandardyń bárine oq jaýdyrǵan.
Eske sala ketsek, buǵan deiin Reseidiń Perm qalasyndaǵy ýniversitette atys bolyp, segiz adamnyń qaza tapqanyn habarlaǵan edik.
