Reseidiń Perm memlekettik ulttyq zertteý ýniversitetinde atys shyǵarǵan belgisiz er adam ustaldy, - dep habarlaidy "Ult aqparat" RIA Novostige silteme jasap.
Resei tergeý komitetiniń málimetinshe, 20 qyrkúiekte Perm memlekettik ulttyq zertteý ýniversiteti ǵimarattarynyń biriniń aýmaǵynda stýdent atys shyǵarǵan.
Nátijesinde 5 adam qaza taýyp, 6 adam jaraqat alǵany jariialandy.
"Perm ýniversitetiniń aýmaǵynda stýdent oqytýshylar men tálimgerlerge oq jaýdyryp, saldarynan 6 adam qaza tapty. Qaza bolǵandar men zardap shekkender týraly naqty derekter anyqtalyp jatyr.
Kúdiktiniń jeke basy anyqtaldy. Ol qamaýǵa alý kezinde qarsylasýyna bailanysty jaralandy. Tergeý kúdikti týraly materialdar jinap, oqiǵanyń barlyq mán-jaiyn anyqtaidy", - delingen habarlamada.
Joǵary oqý ornynyń saitynda aýditoriialardy ishten ilip alyp, sonda otyrýǵa shaqyrǵan jedel habarlama jariialandy. Degenmen stýdentter men oqytýshylardyń bir bóligi terezeden sekirip, ǵimarattan qashyp shyqqan.
Qylmystyq is "Adam óltirý" baby boiynsha tergeledi.
Eske sala keteiik, 11 mamyrda Reseidiń Qazan qalasynda 19 jastaǵy Ilnaz Galiaviev, tergeý málimeti boiynsha, №175 gimnaziiada oq jaýdyryp, jarylys jasap, jeti bala men eki muǵalimdi óltirdi, taǵy 24 adam jaraqat aldy.
