QR Prezidenti Qasym-Jomart Toqaev muǵalimder men oqytýshylardyń qoǵamdaǵy bedelin arttyrýdy tapsyrdy, dep habarlaidy "Ult aqparat".
«Pedagogtardyń mártebesine qoldaý kórsetý qajet. Olardy qoǵamdaǵy bedeldi, tanymal tulǵalarǵa ainaldyrý kerek. Biz olarǵa arnaiy medal taǵaiyndaimyz. Bul – pedagogtardyń eńbegine arnalǵan memlekettik marapat», - dedi Memleket basshysy Ulttyq qoǵamdyq senim keńesiniń onlain formattaǵy 3-otyrysynda.
Sonymen birge, Prezident bilim, densaýlyq saqtaý jáne áleýmettik salada jemisti eńbek etkenderge jańa «Halyq alǵysy» medali beriletinin eske saldy.
«Meniń tapsyrmammen aldaǵy tórt jylda muǵalimderge tólenetin jalaqyny eki ese arttyrý qarastyrylǵan. Odan bólek, bilim sapasyn qamtamasyz etý óte mańyzdy. Pedagogikalyq bilim berýdi jańǵyrtý oqý josparlarynyń 100% jańartylýyn, IT-quziretter, oqytýdyń zamanaýi ádisteri men tehnologiialary boiynsha arnaiy modýl engizýdi qamtamasyz etýi kerek», - dedi Qasym-Jomart Toqaev.
