Pedagogtardyń biliktilik kýrstaryn óz qarajaty esebinen ótýine jol bermeý qajet. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aitty, dep habarlaidy QazAqparat.
«Bilim berý júiesine yntaly jáne bilikti pedagogtar qajet. Muǵalimderdi qaitadan oqytýdy 5 jylda emes 3 jylda bir ret ótkizý talap etiledi dep oilaimyn. Óitkeni, olar jańa bilimdi tasymaldaýshy, naǵyz aǵartýshy bolýy tiis. Buǵan qosa, pedagogtardyń kýrstardy óz qarajaty esebinen ótýine jol bermeý qajet», - dedi Memleket basshysy.
QR Prezidenti mektepterdi oryn jetpeý de orta bilimdegi ótkir problemalardyń biri bolyp turǵanyn basa aitty.
«Tapshylyq 225 myń oryndy quraidy. Eger shuǵyl is-sharalar qabyldamasaq, 2025 jylǵa qarai ol 1 million orynǵa jetýi múmkin. Buǵan deiin 2025 jyldyń sońyna qarai keminde 800 mektep salý týraly tapsyrma bergen bolatynmyn. Búgin bul tsifrdy bir myńǵa deiin jetkizý tapsyrmasyn beremin», - dedi Qasym-Jomart Toqaev.
