Pedagogtyń kásibi damýynyń jańa modeli qurylady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym ministri Ashat Aimaǵambetov málim etti, dep habarlaidy QazAqaparat.
«Pedagogtardyń biliktiligin arttyrý kezeńin «úsh jylda bir ret» bolyp qaita qarastyrý boiynsha toqtalsaq, osy tapsyrma aiasynda pedagogtyń kásibi damýynyń jańa modeli qurylady. «Bilim týraly» Zańǵa qajetti ózgerister engiziledi», - dedi Aimaǵambetov.
Onyń aitýynsha, pedagogtar kýrstarmen tegin qamtamasyz etiledi.
«Prezidentimiz aityp kórsetkendei, pedagogtar arnaiy biliktilik kýrstarymen tolyǵymen qamtylmai, óz qarajaty esebinen ótýge májbúr bolǵan. Endi Memleket basshysynyń tapsyrmasy aiasynda pedagogtar kýrstarmen tegin qamtamasyz etiletin bolady», - dedi ministr.
