Pedagog mamandyǵyn tańdaǵan talantty balalar sany artty. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Pedagog mártebesi týraly» Zań pedagog baǵytyna oqýǵa túsetinder deńgeiine óte jaqsy yqpal etti. Osy mamandyqty tańdaityn talantty balalar sany artty. Biyl pedagogikalyq baǵyttar boiynsha 9 066 grant taǵaiyndaldy. Ortasha ball 75-ke deiin artqanyna qaramastan, balalar kelip jatyr. Konkýrsqa 19 133 adam qatysty. Olardyń arasynda bir myńǵa jýyq talapker 130-dan astam ball jinaǵan. Shyn máninde úzdik talapkerler pedagog mamandyǵyn tańdai bastady», - Aimaǵambetov.
Ministrdiń sózine qaraǵanda, olardyń ishinde 20 paiyzǵa jýyǵy «Altyn belgi» iegerleri bolyp otyr. Biyl oqýǵa túskenderdiń ortasha baly da kúrt ósken.
