Pavlodar oblystyq perinataldyq ortalyǵynda bir aidyń ishinde ekinshi ret úshem dúniege keldi. 34 jastaǵy Eldana Diýsenova birden úsh sábidi ómirge ákelip, jeti balanyń anasy atandy, dep habarlaidy ult.kz.
Jańa týǵan nárestelerge Elnara, Elniiar jáne Eldiiar esimderi berilgen. Buǵan deiin Eldana Diýsenova men jubaiy Ermek Túsipbekov tórt bala tárbielep otyrǵan.
Kópbalaly ana bilim berý salasynda qyzmet etedi. Ol Pavlodar aýdanyna qarasty Kemenger aýylyndaǵy balalar óner mektebi direktorynyń mindetin atqarady.
Eldana úshemniń ómirge kelýin otbasy úshin úlken qýanysh ekenin aityp, perinataldyq ortalyq dárigerlerine kórsetken qamqorlyǵy men sapaly meditsinalyq kómegi úshin alǵys bildirgen.
Sábilerdiń ákesi Ermek Túsipbekov te birden úsh balanyń dúniege kelýi búkil áýlet úshin erekshe qýanysh bolǵanyn jetkizdi. Ata-anasy balalarynyń deni saý bolyp ósip, elge qyzmet etetin azamat bolǵanyn tileidi.
Úshemderdi perzenthanadan shyǵaryp alý rásimine otbasynyń týǵan-týystary men jaqyndary, sondai-aq Pavlodar oblystyq perinataldyq ortalyǵynyń qyzmetkerleri qatysty.
Qazirgi ýaqytta ana men úsh sábidiń jaǵdaiy jaqsy.
Aita keteiik, bul – Pavlodar perinataldyq ortalyǵynda sońǵy bir aidyń ishinde dúniege kelgen ekinshi úshem.
Ortalyq direktory Gúlnar Býrataevanyń málimetinshe, úshemniń dúniege kelýi sirek kezdesedi. Perinataldyq ortalyqta jyl saiyn orta eseppen 80 egiz ómirge keledi.
