Foto: Polisia.kz.
Pavlodar qalasynyń politseileri mas kúiinde kólik tizgindegen júrgizýshilerdiń jolyn kesti, – dep habarlaidy "Ult aqparat" Polisia.kz -ke silteme jasap.
Avtokólik apattarynda adamdar qaitys bolyp jatyr. Jol apaty kezinde alǵan jaraqattarynyń sońy olardyń ólimine alyp keledi. Osyndai qaiǵyly oqiǵalardyń kóp bolýynyń negizgi sebepteri – jol júrý erejelerin saqtamaý, sonymen qatar mas kúiinde kólik júrgizý.
– Pavlodar qalasynyń politseileri Nurkin kóshesinde túngi saǵat 04:35-te Mercedes avtokóligin toqtatty. Qujattardy tekserý kezinde politsiia qyzmetkerleri júrgizýshi esirtki qoldanǵan dep kúdiktendi. Olardyń kúdikterin meditsinalyq kýálandyrý nátijelerin rastady. Sondai-aq málimetter bazasyn tekserý kezinde er adam júrgizýshi kýáliginen 2020 jyldyń qyrkúieginde jeti jylǵa aiyrylǵandyǵy anyqtaldy. Ustalǵan adamǵa qatysty tekserý júrgizilip jatyr. Avtokólik aiyppul turaǵyna qoiyldy, – dep málimet berdi Pavlodar oblysy PD baspasóz qyzmeti.
Aita ketý kerek, jyl basynan beri politseiler 237 osyǵan uqsas faktiniń jolyn kesti. Politsiia departamentiniń aitýynsha, árkim óziniń jaqyndaryn, týystaryn, tanystaryn eskertip, osy zań buzýshylyqty toqtatýy kerek, kólik quralyn mas kúiinde basqarýǵa jol berilmeýi qajet.
– Mas júrgizýshi týraly politsiiaǵa habarlaǵan jón. Kólik júrgizý kezinde ishimdikke qarsy kúreske qosylyńyz, bei-jai qaramańyz. Mas kúiinde kólik júrgizetin adamdar týraly aqparatty politsiiaǵa “102” telefony arqyly habarlaýǵa bolady. Esińizde bolsyn, baiqampazdyq adam ómirin saqtap qalady. Óitkeni mas júrgizýshiniń dóńgelekteriniń astynda sizdiń balalaryńyz, týystaryńyz, dostaryńyz jáne jaqyn adamdaryńyz bolýy múmkin. Jol politsiiasynyń inspektorlary mundai aqparatty alǵan kezde jedel áreket etedi jáne mas júrgizýshilerdi ustaidy. Jol apattarynyń aldyn alady, – dep atap ótti politsiia departamenti.
