Pavlodarda jol apatynan eki kóliktiń jolaýshysy men ótip bara jatqan adam zardap shekti, dep habarlaidy QazAqparat.
Qalada eki jeńil kólik soqtyǵysyp, bireýi jer úidiń qorshaýyn buzyp ótken.
«Saǵat 08:40-ta Pavlodar qalasynda «VAZ-2110» markaly avtokóliktiń 21 jastaǵy júrgizýshisi Gorkii kóshesiniń boiynda kele jatyp, Abai-Gorkii kósheleriniń qiylysynda «Jol ber» degen jol belgisiniń talaptaryn oryndamastan, «Honda» kóligimen soqtyǵysqan. Soqqydan «VAZ» jeke úidiń qorshaýyna soǵylyp, ol ótip bara jatqan jolaýshyǵa qulaǵan», - dedi Pavlodar oblysy Politsiia departamentinen.
Quqyq qorǵaý organdarynyń málimetinshe, jol-kólik oqiǵasynan ótip bara jatqan adam jaraqat alyp, aýrýhanaǵa jetkizilgen. «Honda» avtokóliginiń eki jolaýshysy, atap aitqanda, júrgizýshiniń áieli men qyzy meditsinalyq kómekke júgindi.
«VAZ-2110» avtokóligi aiyp turaǵyna ornalastyryldy. Tekserý júrgizilip, saraptama taǵaiyndaldy», - dep atap ótti vedomstvodan.
