Pavlodarda tórt jasar qyz bala ekinshi qabattaǵy ashyq terezeden qulap, aýrýhanaǵa jetkizildi. Oqiǵa 18 tamyzda bolǵan, dep habarlaidy ult.kz.
Irbistv.kz habarlaýynsha, búldirshin Oblystyq balalar aýrýhanasyna jetkizilip, dárigerler tekserý júrgizdi. Qajetti diagnostikalyq zertteýlerden keiin onyń jaǵdaiy turaqty ekeni anyqtalǵan.
Aýrýhana mamandarynyń aitýynsha, bala aýyr jaraqat almaǵan. Ony aýrýhanaǵa jatqyzýǵa meditsinalyq kórsetilim bolmaǵandyqtan, búldirshin ambýlatoriialyq baqylaýǵa jiberildi.
Oqiǵa ata-analarǵa balalardy qaraýsyz qaldyrmaý jáne terezelerdiń qaýipsizdigine erekshe mán berý qajettigin taǵy bir eske saldy.
