Pavlodarda toǵyzynshy qabattan qulaǵan áiel tiri qaldy, - dep habarlaidy "Ult aqparat" Ravlodarnews.kz saityna silteme jasap.
Oblystyq TJD baspasóz qyzmetiniń málimetinshe, 11 mamyr saǵat 14.37-de «112» pýltine Ak. Bekturov kóshesi, 109 mekenjaiynan habarlama túsken.
- Toǵyz qabatty turǵyn úidiń toǵyzynshy qabatyndaǵy páterdiń terezesinen úige japsarlas salynǵan «Ekstramed» meditsinalyq ortalyǵynyń tóbesine 1993 jyly týǵan áiel qulaǵan. Zardap shekken adam aýrýhanaǵa jatqyzyldy, - dedi departamentte.
Oqiǵa ornyna bes qutqarýshy men bir tehnika shyqty.
Oblystyq densaýlyq saqtaý basqarmasynyń málimeti boiynsha, áieldiń jasy 30-da.
Keýde omyrtqasynyń synýy, bas miynyń shaiqaýly diagnozymen № 1 qalalyq aýrýhanaǵa jetkizilgen. Buǵanasy men 5,6,7-shi sol jaq qabyrǵasy synǵan. Mas bolǵan. Qarqyndy terapiia palatasyna jatqyzyldy.
Oqiǵanyń mán-jaiy anyqtalýda.
