Foto: Teatrdyń baspasóz qyzmeti
Pavlodarda spektakl kezinde er adam kóz jumdy. Oqiǵa ornyna kelgen dárigerler onyń qaitys bolǵanyn anyqtady, dep habarlaidy Pavlodarnews.kz saity.
Qaiǵyly jaǵdai A.P. Chehov atyndaǵy oblystyq drama teatrynda jeksenbilik qoiylym kezinde bolǵan. Qoiylymnyń ekinshi bólimi aiaqtalmastan, kórermender zaldan shyǵaryldy.
«Astana kóshesi, 166 mekenjaiy boiynsha saǵat 18:40-ta qońyraý tústi», – dedi oblystyq jedel járdem stantsiiasynyń baspasóz qyzmetinde.
Teatr direktory Viktor Avvakýmovtyń aitýynsha, marqum 43 jasta bolǵan. Teatrda sahna qurastyrýshysy qyzmetin atqarǵan. Er adam tromb úzilip ketý saldarynan kóz jumǵan. Jerleý rásimi sársenbi, 25 qańtarda ótedi.
