© AFP 2023 / ALEJANDRO PAGNI
Pavlodarda kópqabatty úidiń aýlasyndaǵy qoqys jáshiginen náreste tabyldy, dep habarlaidy "Ult aqparat".
Oblystyq jedel meditsinalyq járdem stantsiiasy baspasóz qyzmetiniń málimetinshe, 7 naýryzda saǵat 12:28-de Buqar jyraý kóshesi, 353 mekenjaiy boiynsha qoqys jáshiginen náreste tabylǵany týraly habarlama túsken.
"Jedel járdem oqiǵa ornyna 5 minýtta jetti. Sol jerde dárigerler qyzdyń qaitys bolǵanyn anyqtady", - delingen aqparatta.
Bul derek boiynsha sot-meditsinalyq saraptama taǵaiyndalǵan.
"7 naýryz saǵat 12:47-de Pavlodar qalasynyń politsiiasyna Buqar jyraý kóshesinde ornalasqan úidiń aýlasyndaǵy qoqys jáshiginen óli týǵan bala tabylǵany týraly habar túsken.
Atalǵan derek boiynsha sot-meditsinalyq saraptama taǵaiyndaldy. QR Qylmystyq kodeksiniń 100-baby boiynsha sotqa deiingi tergep-tekserý bastaldy. Osy faktige qatysy adamdy anyqtaý boiynsha jedel-izdestirý is-sharalary júrgizilip jatyr", - delingen Ishki ister ministriligi málimetinde.
