Pavlodarda balalarynyń erkeligin kótere almaǵan áke olardy uryp-soqqan. Politsiia tergeýdi bastady, dep habarlaidy QazAqparat.
Politsiiaǵa Pavlodar qalasynyń 36 jastaǵy turǵyny júginip, 28 qazanda kúieýi alty jasar uly men jeti jasar qyzyn urypty. Ulynyń eki tisin syndyrǵan eken.
«Qońyraýǵa kelgen politsiia qyzmetkerleri áieldiń oqiǵa kezinde jumysta bolǵanyn anyqtady. Ákesimen qalǵan balalar erkelep, balkonǵa qarai júgirip, ákesiniń sózin elemegen. Balalardy basý úshin er adam olarǵa qol kótergen», - dep habarlady Pavlodar oblystyq Politsiia departamentiniń baspasóz qyzmeti.
Balalardyń anasy úige kelgeninde otaǵasy jumysqa ketip qalǵan eken. Áiel dereý meditsinalyq kómekke júgingen.
Pavlolar turǵynyna qatysty atalǵan fakti boiynsha QR QK 140-babynyń 2-tarmaǵy negizinde sotqa deiingi tergeý qozǵaldy. Saraptama taǵaiyndaldy.
Tergeý kezinde ákesi otbasynan tys jerde.
Tártip saqshylary kóbinese zorlyq-zombylyq qurbandary kómek suramaitynyn atap ótti. Zorlyq-zombylyq faktileriniń únsiz qalýynyń sebebi – quqyq buzýshyǵa qatysty zańdy bilmeý jáne aiaýshylyq.
«Qazirgi ýaqytta Pavlodar oblysynda turmys salasyndaǵy quqyq buzýshylyqtar úshin 3476 adam ákimshilik jaýapqa tartyldy, onyń ishinde: 2486-sy – otbasy-turmystyq qatynastar salasyndaǵy quqyqqa qaishy áreketteri úshin, 754-i – qasaqana densaýlyqqa jeńil ziian keltirgeni úshin, 236-sy – uryp-soqqany úshin. Sondai-aq, kámeletke tolmaǵan balany tárbieleý boiynsha mindetterdi oryndamaǵany úshin eki fakt boiynsha sotqa deiingi tergeý júrgizilýde», - dep habarlady politsiiadan.
