«Investorlar úiinde» ótken keńeitilgen otyrysta aimaq basshysy Bolat Baqaýov jergilikti jerlerde shaǵyn indýstriialyq aimaqtar qurý boiynsha ákimderdiń álsiz jumysyn atap ótip, máseleni jyl sońyna deiin sheshýdi tapsyrdy. Bul týraly "Ult aqparat" pavlodarnews.kz saityna silteme jasap.
Ótken jumada indýstrialdy damý, shaǵyn jáne orta biznes máseleleri boiynsha alqa májilisi ótti.
Indýstriialyq-innovatsiialyq damý basqarmasynyń basshysy Ǵanibet Áýbákirov atap ótkendei, biyl Pavlodar oblysynda úsh iri joba júzege asyrylady. Bul «Eýroaziattyq energetikalyq korporatsiiasy» AQ-nyń №5 energobloǵyn iske qosý, «Bogatyr Invest» JShS-da temir-beton buiymdaryn daiyndaýdy qolǵa alý jáne «Pavlodar ózen porty» AQ-da qum blogy óndirisin engizý.
Sonymen qatar, «Pavlodar» arnaiy ekonomikalyq aimaǵynda jańa kásiporyndar salý jumystary júrgizilýde. Investorlardy qoldaý maqsatynda AEA aýmaǵynda infraqurylym tartylýda.
«Biylǵy jyly arnaiy ekonomikalyq aimaqta injenerlik kommýnikatsiialardyń qurylysyna 2,2 milliard teńge bólindi. Bul, infraqurylymǵa qatysty barlyq máselelerdi jabýǵa múmkindik beredi. Jalpy, sońǵy ýaqytta AEA-da jumys jolǵa qoiyldy. Investorlarmen belsendi jumys isteý qajet», - dedi Pavlodar oblysynyń ákimi.
Sondai-aq, Bolat Baqaýov ákimderge ár qala men aýdanda investorlardy tartý úshin shaǵyn indýstriialyq aimaqtar qurý týraly tapsyrma berdi. Aimaq basshysy bilik jumysynyń basty mindeti kásipkerlikti damytý jáne shaǵyn jáne orta biznestiń ekonomikalyq belsendiligin arttyrý úshin qolaily jaǵdai jasaý bolyp tabylatynyn eske saldy.
