Pavlodar oblysynda belsendilik tanytqan aýdandar ataldy. Bul - Tereńkól (94,5 paiyz), Ýspen (94 paiyz) jáne Aqtoǵai aýdandary (90 paiyz), dep habarlaidy Ravlodarnews.kz.
Óńirlik kommýnikatsiialar qyzmeti ótkizgen brifingte oblystyq aýmaqtyq sailaý komissiiasynyń tóraǵasy Gúlnár Amanjolova aýyl ákimderi sailaýynyń aldyn ala qorytyndysymen bólisti
«Saǵat 20.00-de Pavlodar oblysynyń 126 sailaý ýchaskesinde daýys berý aiaqtaldy. Atalǵan ýchaskelerde búgin saǵat 7-den bastap baqylaý júrgizildi. 146 senimdi tulǵa boldy. Onyń 103-i saiasi partiialardyń atynan shyqqan úmitkerlerden, 43-i ózin-ózi usynǵandardan. Budan bólek, barlyq saiasi partiialardan 150 baqylaýshy, túrli qoǵamdyq birlestikterden 340 baqylaýshy qatysty" , - dedi Gúlnár Amanjolova.
Komissiia tóraǵasynyń aitýynsha, saǵat 22.00-degi jaǵdai boiynsha oblysta daýys berýge kelgenderdiń úlesi 76,9 paiyzdy qurady. Bul – 40628 adam.
Oblystyq politsiia departamenti bastyǵynyń m. a. Jasqairat Qaiyrov aýyl ákimderin sailaý barysynda quqyq buzýshylyq tirkelmegenin, iaǵni oblysta jaǵdai turaqty ekenin habarlady.
Eske sala keteiik, 44 aýyldyq deńgeidegi ákimniń tikelei sailaýy 130 eldi mekende ótti. Kandidat bolyp 168 adam usynyldy. Olardyń 59-yn saiasi partiialar usynǵan tulǵalar bolsa, qalǵan 109-y – ózin-ózi usynǵandar.
Baiqaýshylar respýblikalyq «Partiialyq emes baqylaý» qoǵamdyq uiymynyń filialynda daiyndyqtan ótken.
Bir adam bir aýdandyq mańyzy bar qalanyń nemese aýyldyń ákimi bolyp eki retten artyq sailana almaidy. Sailaý ótkizilgennen keiin úsh kún ishinde ótken sailaýdyń qorytyndylary shyǵarylyp, jariialanady. Jeti kún ishinde aýmaqtyq komissiia sailanǵan ákimdi tirkep, keiin ol óz ókilettigine ótedi. Ókilettik merzimi – 4 jyl.
Búgin táýelsiz Qazaqstannyń tarihynda tuńǵysh ret aýyl, kent, aýyldyq okrýg jáne aýdandyq mańyzdaǵy qala ákimderiniń sailaýy ótti.
2021 jyldan bastap aýyl ákimderiniń tikelei sailaýyn ótkizý týraly Prezident Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Joldaýynda tapsyrma berilgen bolatyn.
