Pavlodar oblysynda kúshti jel turyp, keshkisin birneshe ǵimarattyń shatyry julynyp, oblys ortalyǵynda dýal qulaǵan.
«Tabiǵi apattan birinshi metallýrgter qalasy zardap shekken. Aqsý qalasynda ekpindi jel saldarynan Áýezov kóshesinde ornalasqan «Sholpan» tórtqabatty qonaqúi kesheniniń 600 sharshy metr shatyry julyndy. Ǵimarat 1971 jyly salynǵan, onyń jalpy aýdany – 1616,7 sharshy metr. Sonymen birge, Aqsý qalalyq aýrýhanasynyń ekiqabatty ǵimaratynyń 300 sharshy metr aýdandaǵy shatyry julynǵan. Qaza tapqandar men zardap shekkender joq», - dep habarlady Pavlodar oblystyq tótenshe jaǵdailar departamenti.
Taǵy bir oqiǵa Aqsý qalasynyń Jolqudyq aýyldyq aimaǵynda bolǵan. Munda qatty jeldiń saldarynan Mádeniet úiiniń shatyry julyndy (80 sharshy metr). 1968 jyly salynǵan ǵimarattyń jalpy aýdany 500 sharshy metr. Qaza tapqandar men zardap shekkender joq. Jelezin aýdanynyń Eńbekshi aýylynda qatty jel saldarynan aýyldyq mekteptiń úshqabatty ǵimaratynyń 240 sharshy metr shatyry julyndy. Shatyrdyń aǵash torlamasy shiferden salynǵan.
«Oblys ortalyǵynda daýyldy jel qylmystyq-atqarý júiesi departamentiniń metall qorshaýy men onyń kirpish baǵanalaryn qulatqan», - dep qosyp ótti vedomstvodan.
1 maýsymda Pavlodar oblystyq TJD «Dármen» qosymshasy arqyly jeldiń 18 metrge deiin kúsheietini týraly aqparat taratty. Daýyl bolatyny týraly eskertý oblys ortalyǵyndaǵy uialy telefon abonentteriniń barlyǵyna taratylǵan.
