Pavlodar oblysyndaǵy aqparattyq tehnologiia kolledjiniń býhgalteri biýdjetten 26 million teńge jymqyrǵany úshin sottaldy, dep habarlaidy QazAqparat Qarjylyq monitoring agenttiginiń baspasóz qyzmetine silteme jasap.
Agenttiktiń Pavlodar oblysy boiynsha aýmaqtyq departamenti Pavlodar qalasynda Aqparattyq tehnologiialar kolledjinde qarajatty jymqyrý deregi boiynsha qylmystyq isti sotqa joldady.
«Kolledjdiń bas býhgalteri Iu.Bezpalaia óziniń qyzmetin paidalanyp, 2015-2020 jyldar aralyǵynda biýdjet qarajatyn zańsyz ielený boiynsha qylmystyq shemany uiymdastyrǵan.
Ol kolledjge jalǵan jumysqa ornalasý úshin tanystary men týystaryn tartyp, sodan keiin olardyń atyna zańsyz jalaqy aýdaryp, sol qarajatty ielenip otyrǵan», delingen habarlamada.
Sot sheshimimen Iu.Bezpalaia 7 jylǵa bas bostandyǵynan aiyryldy. Sonymen qatar ol býhgalterlik qyzmetpen ainalysý quqyǵy 10 jylǵa shekteldi.
Vedomstvonyń málimdeýinshe, biýdjet qarajatyn jymqyrý eldiń ulttyq qaýipsizdigine tónetin qaýipterdiń qataryna jatady. Áleýmettik járdemaqylar men eńbek aqylaryn tóleýge nemese balalar mekemelerine azyq-túlik satyp alýǵa arnalǵan qarajat mańyzdy ekonomikalyq jáne áleýmettik mánge ie.
