Foto: t.me/POLICE_of_KZ
Pavlodar oblysynda amneziiamen aýyratyn qart áiel alty kún boiy izdestirilip jatyr, - dep habarlaidy "Ult aqparat" IIM baspasóz qyzmetine silteme jasap.
Polisia.kz Telegram arnasynyń málimetinshe, Kostyniýk Nadejda 1949 jyly týǵan. Ol 4 qarashada úiden shyqqan jáne onyń qai jerde ekeni áli belgisiz. Áiel amneziiamen aýyrady, mezgil-mezgil este saqtaý qabiletin joǵaltady. Buryn da úiden ketip qalǵan, biraq tabylǵan.
"4 qarashadan bastap politsiia qyzmetkerlerinen basqa izdestirý is-sharalaryna TJ qyzmetkerleri, kinologiialyq qyzmet, "Vita" eriktileri jáne bei-jai qaramaityn aýyl turǵyndary jumyldyryldy. Izdeý úshin ushý apparattary (drondar) men tikushaq qoldanylyp jatyr", - dedi Pavlodar oblysy Ýspen aýdany politsiia bóliminiń bastyǵy Asqar Aralbaev.
Bul aimaqta Reseige aparatyn joldar jaqyn, sondyqtan politseiler áiel Pavlodar oblysynan tys jerlerge shyǵýy múmkin dep oilaidy.
Áieldiń kiimi: sary kúrte, basynda qyzyl tústi toqylǵan qalpaq, rezeńke galosh.
"Joǵalǵan Kostyniýk Nadejda Ivanovnanyń ornalasqan jeri týraly qandai da bir aqparat bilgen adamnyń barlyǵyn politsiiaǵa 102 telefony boiynsha habarlaýyn suraimyz" - delingen habarlamada.
