QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaev elimizdegi páter ieleri kooperativi (PIK) qyzmetine qatysty máselelerdiń baryn alǵa tartty, dep habarlaidy QazAqparat.
«Qurylystyń ashyqtyǵyn qamtamasyz etý úshin memlekettik tapsyrys boiynsha salynyp jatqan nysandar boiynsha barlyq derekter (qurylys materialdary men jumys kestesin qosa alǵanda) kelesi jyldan bastap E-Qurylys biryńǵai aqparattyq júiesi arqyly qadaǵalanady. Qurylys salasynan bólek páter ieleri kooperativi (PIK) qyzmetine qatysty da suraqtar kóp. Óitkeni, biz qansha aqsha jinaldy jáne onyń qaida jumsalyp jatqanyn bilmeimiz. Pandemiiaǵa bailanysty jaýapty ministrlik ókili retinde turǵyn úi sharýashylyǵyna qatysty suraqtardy úi ielerimen talqylaý múmkindigi az. Osy oraida E-Qurylys biryńǵai aqparattyq júiesi oń sheshim, sebebi bul elektrondy júie. Iaǵni gadjet arqyly turǵyn úiińizdiń jaǵdaiy men ony jaqsartýǵa tikelei qatysa alasyz», - dedi Q. Óskenbaev baspasóz máslihatynda.
Onyń aitýynsha, atalǵan júie arqyly PIK qyzmetine qatysty suraqtarǵa da jaýap alý jáne aryz-shaǵym qaldyrý múmkindigi bar.
