Qaraǵandyda turǵyn úiden páter alyp beremin dep ýáde bergen áielge qatysty alaiaqtyq deregi anyqtaldy. Qazir onyń áreketinen 11 adamnyń zardap shekkeni belgili boldy, dep habarlaidy ult.kz.
Qaraǵandy qalasynyń 29 jastaǵy turǵyny politsiiaǵa aryzdanǵan. Onyń aitýynsha, 44 jastaǵy áiel senimine kirip, salynyp jatqan turǵyn úi keshenderiniń birinen tiimdi baǵamen páter rásimdep berýge ýáde etken.
Jábirlenýshi páter alý úshin kúdiktige 6 million teńge bergen. Alaida ýáde oryndalmai, aqsha da qaitarylmaǵan.
Aryz negizinde politsiia qyzmetkerleri jedel-izdestirý sharalaryn júrgizip, kúdiktini anyqtap, ustady.
Tergeý barysynda áieldiń osyǵan uqsas áreketterine qatysty taǵy 10 azamattyń aryzy túsken. Aldyn ala málimet boiynsha, kúdikti 2023 jyldan beri turǵyn úi alyp berý syltaýymen adamdardyń senimine kirip, zańsyz áreketin jalǵastyryp kelgen.
Qazirgi ýaqytta anyqtalǵan jábirlenýshilerge keltirilgen materialdyq shyǵyn kólemi shamamen 70 million teńgeni quraidy.
Atalǵan fakti boiynsha asa iri kólemdegi alaiaqtyq deregimen sotqa deiingi tergeý júrgizilýde. Kúdikti ýaqytsha ustaý izoliatoryna qamaldy.
Politsiia onyń basqa da osyǵan uqsas qylmystarǵa qatysy bar-joǵyn jáne qosymsha jábirlenýshilerdi anyqtaý jumystaryn jalǵastyryp jatyr.
Quqyq qorǵaý organdary azamattarǵa jyljymaityn múlikke qatysty mámileler kezinde muqiiat bolýdy, aqshany tek zańdy kelisimder arqyly berýdi jáne kúmándi deldaldarǵa senbeýdi eskertedi.
