Ulttyq neirohirýrgiia ortalyǵy Úkimetten parkinson aýrýyn ýltradybyspen emdeitin jańa apparat satyp alýǵa qarajat surap otyr. Bul týraly ortalyqtyń basqarma tóraǵasy Serik Aqsholaqov málim etti, dep habarlaidy QazAqparat.
«Meditsina salasy bir ornynda turmaidy. Búgingi jaqsy zamanaýi tehnologiia bir jyldan keiin ozyq tehnologiia bolmai qalýy múmkin. Sondyqtan Úkimetke óz usynystarymyzdy berip otyramyz. Sonyń arqasynda bizdiń ortalyqtyń tehnologiiasy Eýropanyń klinikalarynan qalyspaidy. Qazir fýnktsionaldyq aýralardy, parkinson aýrýyn ýltradybyspen emdeitin jańa apparattar shyǵyp jatyr. Ol týraly men Úkimette sóz qozǵadym. Qoldaý tapty dep aita alam. Ol qoldaýdyń iske asýy úshin ýaqyt kerek. Ol jaǵynan tolyq qoldaý bar», - dedi neirohirýrg elordada ótip jatqan halyqaralyq forýmnyń kýlýarynda.
Aitýynsha, ol basqaratyn mekeme 14 jylda 35 myń kúrdeli ota jasaǵan. Sonyń arqasynda buryn tek shetelde emdeletin naýqastar Qazaqstanda aýrýyn eńserýge múmkindik alǵan.
«Ulttyq neirohirýrgiia ortalyǵy jumysyn bastaǵan 14 jyldyń ishinde 35 myńdai ota jasadyq. Sonyń 95 paiyzy halyq úshin tegin jasaldy. Iaǵni, qazaqstandyqtar úshin tolyǵymen tegin, kvota arqyly isteledi. Qazir bizge shetelden de keletin emdelýshiler bar. Meditsinalyq saqtandyrý arqyly ota jasatýshylar da bar. Solardyń ishinde eń qymbaty –mi qantamyrlaryna jasalatyn ota. Onyń qunyn da qazaqstandyqtar úshin memleket tóleidi», - dedi Serik Aqsholaqov.
