Frantsiia astanasy Parij qalasy bir kúnniń ishinde avtomobilsiz qalaǵa ainaldy, dep habarlaidy QazAqparat Reuters agenttigine silteme jasap.
Qala turǵyndary men týrister Elisei alańynda erkin qydyra alǵan, sebebi bul kúni el astanasynyń ádette avtomobilge toly kóshelerindegi qozǵalys toqtatyldy.
Bul kúni Parij turǵyndaryna velosiped, qoǵamdyq kólikterdi belsendi paidalaný jáne eń bastysy – qalada jaiaý qydyrý usynyldy.
Bul kúni politseiler men órt sóndirýshiler, jedel járdem kólikteri, taksi jáne týristik avtobýstar ǵana jolǵa shyqqan.
2015 jyly Parij ortalyq aimaqta avtomobilsiz alǵashqy kúndi ótkizdi, al 2017 jyly bul bastama qala ishindegi basqa aýdandar arasynda da taralǵan. Qala biligi jyl saiynǵy sharany kólik quraldaryn paidalanýdy azaitý jáne aýanyń lastanýyn tómendetý maqsatynda uiymdastyrady.
