Koronavirýs pandemiiasy kórermenderdiń teledidarǵa qyzyǵýshylyǵyn arttyrdy. Karantin kezinde qazaqstandyq arnalardyń reitingi 27%-ǵa ósti. Bul týraly QR Aqparat jáne qoǵamdyq damý ministri Aida Balaeva XVII Eýraziialyq media forýmda aitty, dep habarlaidy QazAqparat.
«Úidegi shekteýli keńistikte májbúrli ýaqyt ótkizý aqparat alýdyń dástúrli tásilderinde de qyzyqty ózgeristerge ákeldi. Adamdar eń qiyn kezeńderde pozitiv izdeidi. Osyndai faktilerdiń biri – internet segmentindegi oqyrman suranysynyń artýy boldy. «LitRes» kompaniiasynyń esebine sáikes, 2020 jyly elde Android platformasynda elektrondy kitaptarǵa suranys 50%-dan astam ósken. Sarapshylar atap ótkendei, onlain-segmenttiń keńeiýi pandemiia kezinde birqatar baspa úshin «qaýipsizdik jastyǵyna» ainaldy», - dedi ministr forýmnyń «Pandemiia álemdi qalai ózgertti jáne jahandyq ómir súrýdiń jańa baǵyttaryn qalai anyqtady?» sessiiasynda.
Ministr karantinniń kitap qoryn jańa shyǵarmalarmen tolyqtyryp, jazýshylardyń shyǵarmashylyq oiynyń katalizatoryna ainalǵanyn atap ótti.
«Pandemiia kórermenderdiń teledidarǵa degen qyzyǵýshylyǵyn da arttyrdy. Karantin kezinde qazaqstandyq arnalardyń jalpy reitingi 27%-ǵa ósti. Árine, bul meni Aqparat ministri retinde qýantady.
Pandemiia ekonomikaǵa aitarlyqtai áser etti. Makroekonomikany alar bolsaq, ol jahandyq mánde 4,3 paiyzǵa qysqardy, bul 2009 jylǵy jahandyq qarjy daǵdarysyndaǵy kórsetkishten 2,5 esege kóp», - dedi ministr.
