QR Bilim jáne ǵylym vitse-ministri otandyq vaktsina eń alǵash qandai janýarǵa egilgenin aitty, dep habarlaidy "Ult aqparat".
Qazaqstandyq Qazcovid-in vaktsinasy eń alǵash siriialyq atjalmandar men makakalarǵa egilgen. Bilim jáne ǵylym ministriniń orynbasary Erkin Dáýitbaev atalmysh protsestiń bári qalai uiymdastyrylǵanyn baiandap berdi.
«Kornavirýs infektsiiasyna qarsy vaktsina daiyndaý jónindegi ǵylymi-tehnikalyq baǵdarlama 3 jylǵa arnalǵan. Byltyr maquldanǵan bolatyn jáne qysqa merzimniń ishinde koronavirýsqa qarsy 5 vaktsinanyń biri retinde byltyr daiyn boldy. Tiisti shtamm alynǵannan keiin 1,5 aidyń ishinde jasap shyǵardyq», - deidi vitse-ministr.
Ol atalmysh vaktsinany klinikaǵa deiingi synaqtan ótkizý kezinde janýar tappai biraz qinalǵandaryn eske aldy. Óitkeni DDSU talaby boiynsha vaktsinany kez kelgen janýarǵa synaýǵa bolmaityn.
«Vaktsina alynǵan kezeńde klinikaǵa deiingi synaqtardy instiýttyń ózinde jasaýǵa daiyn boldyq. Dúniejúzilik densaýlyq saqtaý uiymynyń talabyna sai bul zertteýler túrli janýarlarǵa jasaldy. Sonyń ishinde birinshi siriialyq atjalmandar, keiin makakalar boldy. Pandemiia kezinde biz álem boiynsha bul janýarlardyń jetpei jatqanyn sezindik. Úkimettiń qoldaýymen izdep, satyp alýǵa májbúr boldyq. Bul máselede Úkimet bizge belsendi kómektesti», - dedi Erkin Dáýitbaev.
