Pandemiia kezinde kompiýterlik tomografiia sýretterin saraptaýǵa jasandy intellekt qoldanyldy. Bul týraly QR Tsifrlyq damý, innovatsiialar jáne aeroǵarysh ónerkásibi vitse-ministri Asqar Jambakin aitty, dep habarlaidy QazAqparat.
«Aitalyq, pandemiia kezinde kompiýterlik tomografiia sýretterin saraptaý úshin jasandy intellekt qoldanyldy. Ol tiimdilikti aitarlyqtai arttyrýǵa, dárigerler jetispeýshiligin tómendetýge septigin tigizdi. Qazirgi ýaqytta dál osy tehnologiia onkologiialyq aýrýlardy saraptaý úshin qoldanyla bastady. Barlyq sýretterdi saraptaý úshin jasandy intellektini qoldaný úshin osy júiemen barlyq meditsinalyq mekemelerdi tolyqtai qamtý mindeti júktelip otyr», - dedi ol «Joldaý 2021: iske asyrý joldary» taqyrybyna arnalǵan dóńgelek ústel otyrysy barysynda
Vitse-ministr derekterdi tsifrlandyrý baǵytynda da qandai jumystar júrgizilip jatqanyn aitty.
«Eger piramida retinde qaraityn bolsaq, baza negizi infraqurylym sanalady. Bul – internet, jańa tehnologiialardy paidalana otyryp, derekterdi óńdeý ortalyqtarynyń jelisin qurý. Kelesi deńgeii – memleketti biznespen jáne azamattarmen ózara is-qimyly, sonymen qatar biznestiń ózin tsifrlandyrýǵa yntalandyrý. Munan keiingi deńgei – memlekettik organdardyń, biznestiń óz tiimdilikterin arttyrý úshin saraptamalardy qoldanýy, osylardyń bárin jinaqtai kele atalǵan piramidany tsifrlyq úkimet dep sanaýǵa bolady», - dedi Asqar Jambakin.
