AQSh-tyń Qarjy ministrligi koronavirýsqa bailanysty ekonomikany qoldaý paketi boiynsha usynysyn naqtylady: munda amerikalyqtarǵa 500 milliard dollarǵa deiin qolma-qol aqsha taratý kózdelgen. Bul týraly RIA Novosti habarlady.
"Salyq qyzmeti men fiskaldyq qyzmetter biýrosyn júrgizetin salyq tóleýshilerge tikelei tólemderdiń eki raýndyna qarjy bólý jáne maquldaý usynylady: 6 sáýirden bastap 250 milliard dollar jáne 18 mamyrdan bastap 250 milliard dollar tóleý", - delingen ministrliktiń memorandýmynda.
Tólem salyq tóleýshilerdiń tabysyna bailanysty bolady deidi.
Budan basqa, qarjy ministrligi shaǵyn biznesti nesielendirýge 300 milliard dollar, ekonomikanyń problemaly salalarynyń qaryz alý kepildigine 150 milliard dollar jáne epidemiiadan aýyr zardap shekken aviatsiialyq indýstriiany qoldaýǵa jeke 50 milliard dollar bólýdi usynyp otyr.
Budan buryn Donald Tramptyń bas ekonomikalyq keńesshisi Larri Kýdloý ekonomikany qoldaý paketi rekordtyq 1,3 trillion dollarǵa júzege asatynyn málimdegen. Bul 2008-2009 jyldardaǵy qarjy daǵdarysyna bólingen qarajattan eki ese kóp.
Endi Qarjy ministrliginiń usynysyn AQSh Konstitýtsiiasy boiynsha biýdjet qabyldaýǵa airyqsha quqyǵy bar Kongres maquldaýy tiis.
