Beisenbige qaraǵan túni Pákistannyń ońtústiginde tirkelgen jer silkinisi saldarynan keminde 15 adam qaza tapty, dep habarlaidy QazAqparat TASS agenttigine silteme jasap.
«Qazirgi ýaqytta 15-ten 20 adamǵa deiin mert boldy. Qaza tapqandardyń sany artýy múmkin», - dep málimdedi Agence France-Presse agenttigine apattarǵa qarsy kúres basqarmasy.
Agenttik jer silkinisinen eń qatty zardap shekken Belýdjistan provintsiiasy biligi ókiline silteme jasai otyryp habarlaǵandai, qulaǵan ǵimarattyń astynda birneshe adam ajal qushqan.
Onyń arasynda áiel men alty bala bar.
Buǵan deiin Eýropalyq-Jerorta teńiziniń seismologiialyq ortalyǵy Pákistan aýmaǵynda bolǵan 5,7 baldyq jer silkinisi jaily habarlaǵan bolatyn.
Jer asty dúmpýleriniń epitsentri Kvetta qalasynan (halqy shamamen 733 myń turǵyn) soltústik-shyǵysqa qarai 102 shaqyrym jerde ornalasqan.
Jer silkinisiniń oshaǵy 10 shaqyrym tereńdikte.
