© AFP 2023 / MAAZ ALI
Pákistannyń soltústik-batysyndaǵy Peshavar qalasyndaǵy meshit mańynda jarylys boldy, - dep habarlaidy Tengrinews.kz saity DW saityna silteme jasap.
Jergilikti bilik muny terrorist-jankeshtiniń shabýyly dep málimdedi. Ol jarylǵysh zatty meshitte 150-ge jýyq adam, onyń ishinde jaqyn mańdaǵy politsiia bólimshelerinen namaz oqýǵa kelgen kóptegen politsiia qyzmetkeri bolǵan kezde iske qosqan.
25 adam qaza taýyp, 80-nen astamy jaralanǵany habarlandy. Tótenshe jaǵdailar qyzmeti úiindilerdi tazalap, aýrýhanaǵa jetkizilgenderdiń kópshiligi aýyr halde jatqandyqtan, qaza tapqandar sany artýy múmkin degen qaýip bar.
Pákistan premer-ministri Shahbaz Sharif jarylysty aiyptap, kinálilerge qatysty "qatań shara qoldanylatynyna" ýáde bergen. Shabýyldy ázirge eshkim moinyna almaǵan.
