Almaty qalasynyń bas memlekettik sanitarlyq dárigeri Jandarbek Bekshin brifing barysynda «12-18 jas aralyǵyndaǵy jaqyndaryńyzǵa Pfizer vaktsinasyn saldyrasyz ba?» degen saýalǵa jaýap berdi, dep habarlaidy QazAqparat.
«Árine, saldyramyn. Ózim de saldyrar edim. Meniń áriptesterim balalaryn emhanaǵa senbi-jeksenbi kúnderi alyp bardy. Úmitkerlerdiń sany kún saiyn kóbeiip jatyr. Vaktsinany búkil álem paidalanýda. Dúniejúzilik densaýlyq saqtaý uiymynyń tekserisinen ótken. Sondyqtan eshqandai qorqynysh joq. Meniń balalarym ol jastan ótip ketken, nemerelerim áli 12 jasqa tolǵan joq. Úlken nemerem 9 jasta, keide oǵan da saldyrý kerek dep oilanyp qalamyn. Biraq onyń jasy áli 12-ge tolmady», – dedi Almaty qalasynyń bas sanitar dárigeri.
Aita keteiik, Almatylyq jasóspirimderge Pfizer vaktsinasyn salý 12 qarashada bastaldy.
Jandarbek Bekshin ata-analar qalasa, balasyna ekpe jasaǵan kezde qasynda bola alatynyn aitty.
