Qoǵam qairatkeri Mira Esniiazova eldegi qiyn-qystaý sátti paidalanyp, jeke shottaryna aqsha jinap, qaltasyn qompaityp alǵysy keletinder de joq emes ekenin aitty. Sondyqtan gýmanitarlyq jáne qarjylai kómekteskisi keletin adamdardan óz qarajatyn Atyraý boiynsha jalpyǵa ortaq ashylǵan qorǵa salýdy surady.
"Shyny kerek, qazirgi qiyn jaǵdaida ár óńirden kómekteskisi kelip habarlasqan dostarym, tanystarym kóp. Shymkenttik dosym Talǵat 4000 qapshyq, Astanadan bir dosym 10000 qapshyq salyp jiberdi. Nomerimdi birinen-biri alyp Shymkentten, Astanadan bir apailar aqsha aýdaraiyq dep habarlasty. Olardyń barlyǵyna da Atyraý boiynsha jalpyǵa ortaq ashylǵan qordyń rekvizitterin jiberdim. Elge qandai qiyndyq tónse, kóp adamdar sbor ashyp jeke schettaryna aqsha jinaidy. Olardyń arasynda shynaiy janashyrlyq kórsetip júrgender de bar, osy qiyn-qystaý sátti paidalanyp ketip júrgender de bar", - dep jazdy Mira Esniiazova.
Aitýynsha, qarajat jinap jatqan blogerler aimaqtarda qarajat jinaýǵa ashylǵan zańdy qordyń rekvizitterin kórsetse, quba-qup, esebin berýge jeńil bolady. Qarlyǵashtyń qanatymen sý sepkendei kómektesip jatqan halyqtyń aqshasy dalaǵa ketpesin degen tilek, deidi ol.
