Túrkistan oblysynyń ákimi Ómirzaq Shókeevtiń ókimimen Túrkistan oblysy Otyrar aýdanynyń ákimi bolyp Ábdiǵali Aitjanuly Júnisov taǵaiyndaldy, dep habarlaidy "Ult aqparat".
Ábdiǵali Aitjanuly 1959 jyly 15 naýryzda Ońtústik Qazaqstan oblysy Qyzylqum (qazirgi Otyrar) aýdany Sháýildir aýylynda týǵan, bilimi joǵary.
Eńbek jolyn 1976 jyly Ońtústik Qazaqstan oblysy Qyzylqum aýdany tutynýshylar odaǵy qurylys brigadasynyń syrshy-sylaqshysy bolyp bastaǵan.
1977 – 2005 jyldary aralyǵynda Qyzylqum aýdany «Goskomselhoztehnika» MTJ bazasynyń jumysshysy, injener-tehnology, aýdandyq komsomol komitetiniń sektor meńgerýshisi, oblystyq Tutynýshylar odaǵynyń Qyzylqum avtokólik kásipornynyń direktory, «Ońtústik ormany» JShS Otyrar aýdanyndaǵy filialynyń direktory qyzmetterin atqarǵan.
2005 - 2014 jyldary Otyrar aýdany Shilik aýyl okrýginiń ákimi, Aqtóbe aýyl okrýginiń ákimi, Otyrar aýdany ákiminiń keńesshisi, aýdandyq kásipkerlik jáne aýyl sharýashylyǵy bóliminiń bastyǵy, aýdandyq jer qatynastary jáne aýyl sharýashylyǵy bóliminiń basshysy laýazymdardy atqarǵan. 2014 jyldyń qarasha aiynan bastap Túrkistan oblysy Otyrar aýdany ákiminiń orynbasary bolyp eńbek etken.
Aita keteiik, buǵan deiin Otyrar aýdanynyń ákimi qyzmetin atqarǵan Erlan Aitahanov Shymkent qalasynyń ákimi bolyp taǵaiyndalǵan bolatyn
