Otandyq JOO-larda sheteldik stýdentter sany rekordtyq deńgeige jetti

Foto: Freepik

Qazaqstan Eýraziia keńistigindegi jetekshi bilim berý ortalyqtarynyń biri retinde óz pozitsiiasyn nyǵaityp keledi. 2025 oqý jylynda eldiń joǵary oqý oryndarynda 88 memleketten kelgen 35 075 sheteldik stýdent bilim alyp jatyr. Bul ótken jylmen salystyrǵanda 11%-ǵa kóp, dep habarlaidy Ult.kz.

Bilim ministrliginiń málimetinshe, sheteldik stýdentter leginiń artýy Qazaqstannyń halyqaralyq akademiialyq orta qalyptastyrýdaǵy jáne sapaly oqý baǵdarlamalaryn usynýdaǵy bedeliniń óskenin kórsetedi.

Stýdentter sany boiynsha aldyńǵy oryndarda:

• Úndistan – 9 959,

• Túrikmenstan – 9 089,

• Ózbekstan – 4 136,

• Qytai – 3 367,

• Resei – 2 426.

Sarapshylardyń aitýynsha, sheteldik talapkerler Qazaqstandy qoljetimdi oqý aqysy, diplomdardyń halyqaralyq tanylýy jáne praktikalyq daiarlyqqa basymdyq berilgen zamanaýi infraqurylym úshin tańdaidy.

Sheteldik stýdentterdi tartý boiynsha úsh jetekshi qala:

• Almaty – 18 195,

• Astana – 4 292,

• Shymkent – 3 645.

Ulttyq ýniversitetter de halyqaralyq stýdentter úshin negizgi ortalyqqa ainalyp otyr. Kósh bastap turǵan 5 JOO:

1. Ál-Farabi atyndaǵy QazUÝ – 4 497

2. S.Asfendiiarov atyndaǵy QazUMÝ – 2 687

3. L.N.Gýmilev atyndaǵy EUÝ – 2 483

4. Q.Sátbaev atyndaǵy QazUTZÝ – 1 759

5. M.Áýezov atyndaǵy OQMÝ – 1 730

Eń kóp suranysqa ie baǵyttar:

• meditsina – 12 950 stýdent,

• pedagogika – 5 943,

• biznes jáne quqyq – 4 539,

• injeneriia – 3 374,

• IT – 2 141.

Ministrlik internatsionaldandyrýdy kúsheitý, sheteldik seriktestermen birlesken baǵdarlamalardy damytý jáne bilim berý eksportyn arttyrý saiasatyn jalǵastyratynyn málimdedi.