Qytaidyń Siian qalasynda kúres túrlerinen Aziia chempionaty bastaldy. Alǵashqy jarys kúninde erkin kúres sheberleri arasynda myqtylar anyqtaldy, dep jazady Olympic.kz.
65 kelige deiingi salmaqta synǵa túsken Saiatbek Oqasov finaldy úndistandyq Badjrang Badjragshtan 7:12 esebimen utylyp, Aziia birinshiliginiń kúmisin qanaǵat tutty.
Sonymen qatar, 70 kelide synǵa túsken Nurqoja Qaipanov aqtyq synda japoniialyq Kodjira Shigany 9:0 esebimen jeńip, óz mansabynda tuńǵysh ret Aziia chempiony atanyp otyr. Sondai-aq, biylǵy qurlyq dodasyndaǵy Qazaqstannyń alǵashqy altyn júldesin qorjynǵa saldy.
79 kelige deiingi salmaqta Ǵalymjan Óserbaev qola júldeni enshiledi. Kishi finalda ol japon balýanyn 6:0 esebimen jeńgen.
Sondai-aq, 97 kelige deiingi salmaqta baq synaǵan Erǵali Álisher qyrǵyzstandyq balýandy utyp, týrnirdiń qola júldesin ielendi.
Búgin Aziia chempionatynda 61, 74, 86, 92 jáne 125 kelidegi balýandar kúsh synasady.
