Foto: informburo.kz
Elimizdiń birinshi raketkasy, Ýimbldon týrniriniń jeńimpazy Elena Rybakina Qazaqstan atynan óner kórsetýge qatysty pikirin bildirdi, dep habarlaidy QazAqparat.
«Osydan 5 jyl buryn meniń aldymda odan ári ne isteimin degen saýal turdy. Jasym 17-18-de edi. Mende eki tańdaý boldy. Tennis oinaýdy jalǵastyryp kásibi deńgeige kóshý. Ekinshi tańdaý oqýǵa túsý. Meni AQSh-qa oqýǵa shaqyrdy. Kóptegen iýniorlar ekinshi joldy tańdap jatady. Men alǵashqy týrnirimdi sátti oinadym», - dedi Rybakina elordada ótken baspasóz máslihatynda.
Aitýynsha, sol sátte Qazaqstannyń atynan óner kórsetý týraly usynys túsken.
«Menińshe, óte sátti usynys boldy jáne ýaqytyly jasaldy. Bir birimizdi dál ýaqytynda tapqan sekildimiz. Meniń sporttaǵy saiahatym Qazaqstanmen jalǵasyp jatqanyna qýanyshtymyn. Osynyń bári Qazaqstannyń arqasynda bolyp jatyr. Qoldaýlaryńyz úshin kóp raqmet. Qoldaýlaryńyzdy sezindim», - deidi ol.
