Shyǵys Qazaqstanda «Tsentr ODI» JShS direktory ádeii bankrottyq jasaǵany úshin sottaldy, dep habarlaidy QazAqparat.
Kásiporyn óziniń bankrottyǵyn jariialaǵan kezde bul onyń tólem qabiletsizdigin kórsetedi.
Sonymen birge, keibir kompaniialar odan qosymsha materialdyq paida alý úshin ózderin bankrot dep jariialaidy.
Qarjylyq monitoring agenttiginiń Shyǵys Qazaqstan oblysy boiynsha aýmaqtyq departamenti «Tsentr ODI» JShS-niń ádeii bankrottyq dereginiń jolyn kesti.
Is figýranty - quryltaishy jáne kásiporyn basshysy Iu.Djeksenev kásiporyn bankrot dep tanylǵanǵa deiingi kezeńde JShS-ne tiesili qonaq úi keshenin (kafe bar, saýna) úlestes tulǵalardyń menshigine zańsyz tapsyrǵan.
Osylaisha, memleket aldynda beresheginiń bar ekendigin bile tura, ol 105 mln teńgeden astam somaǵa salyq tóleýden jaltarǵan.
Iu. Djeksenev 1,5 jylǵa bas bostandyǵyn shekteý jazasyna tartyldy.
Sot sheshimimen kásiporyn nysandaryna - qonaq úige, kafe-barǵa, saýnaǵa, sharýashylyq blogy ǵimarattaryna tyiym salyndy.
