Foto: Ashyq derekkóz
Óskemen qalasynyń turǵyny politsiiaǵa terakt jaily jalǵan habar bergeni úshin jaýapqa tartyldy, dep habarlaidy «Ult aqparat» ShQO Politsiia departamenti baspasóz qyzmetine silteme jasap.
Belgisiz er adam tártip saqshylaryna qońyraý shalyp, Óskemen qalasynda terakt daiyndalyp jatqany týraly jetkizgen.
"Politseiler dereý sol jerge barǵan. Alaida tekserýden keiin bul aqparattyń jalǵan ekeni anyqtaldy. Orynsyz ázildegen mas kúidegi 51 jastaǵy qala turǵyny bolyp shyqty", - delingen aqparatta.
Mamandandyrylǵan qyzmetterdi kórineý jalǵan shaqyrǵany úshin er adamǵa 30 AEK mólsherinde (110 760 teńge) aiyppul salyndy.
Osy rette, vedomstvo ókilderi qoǵamdyq rezonans pen yqtimal saldarlardy eskere otyryp, mundai buzýshylyqtar úshin qylmystyq jaýapkershilik qarastyrylǵanyn, ol boiynsha 5 jylǵa deiin bas bostandyǵynan aiyrý jazasy kózdelgenin eskertedi.
