Óskemende dámhanada bolǵan janjal kezinde politsiia qyzmetkeri qaza tapty. Taǵy bir adam zardap shekti, dep habarlaidy ult.kz.
Oqiǵa 4 qazanǵa qaraǵan túni bolǵan. ShQO politsiia departamentiniń málimetinshe, dámhanaǵa kelgen er adam tártipke shaqyrǵan 40 jastaǵy jergilikti turǵynǵa dene jaraqatyn salǵan. Ol alǵan jaraqatynan kóz jumdy.
Keiin qaza tapqan azamattyń politsiia qyzmetkeri bolǵany anyqtaldy. Politsiia onyń oqiǵa kezinde qyzmette bolmaǵanyn habarlady.
Kúdikti ustalyp, ýaqytsha ustaý izoliatoryna qamaldy. Qazir tergeý júrip jatyr.
