Óskemen qalasynda kólik qaqqan er adam oqiǵa ornynda qaza tapty, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, jol-kólik oqiǵasy 20 maýsym kúni saǵat 23.00 shamasynda Óskemennen Semeige shyǵa beris jolda bolǵan.
«VAZ-212014» avtokóliginiń 20 jastaǵy júrgizýshisi Nurly kósh aýylynyń mańynda 38 jastaǵy azamatty qaǵyp ketti. Jaiaý júrginshi alǵan jaraqattarynan sol jerde kóz jumdy. Atalǵan fakti boiynsha QR Qylmystyq kodeksiniń 345-babyna (Abaisyzda adam ólimine ákep soqtyratyn jol qozǵalysy erejelerin buzý) sáikes sotqa deiingi tergeý amaldary bastaldy», - dep habarlady vedomstvo ókilderi.
Qazirgi ýaqytta birqatar sot-meditsinalyq saraptama taǵaiyndalǵan. Sonyń nátijeleri boiynsha protsessýaldyq sheshim qabyldanady.
