Óskemen qalasynda 7 jasar balany soqqyǵa jyqqan er adam ustaldy, dep habarlaidy QazAqparat.
Qalalyq politsiia basqarmasy baspasóz qyzmetiniń málimetine súiensek, meditsinalyq mekemege miy shaiqalyp, bet-aýzy jaralanǵan bala jetkizilgen.
Politsiia qyzmetkerleri atalǵan fakti boiynsha birden tekserý júrgizdi. Anyqtalǵandai, balany anasynyń 42 jastaǵy azamattyq nekedegi kúieýi uryp-soqqan.
«Bul otbasynda kámeletke tolmaǵan tórt bala bar. Alaida ekeýi resmi túrde nekege turmaǵan. 6 jeltoqsanda balalardyń anasy jumysqa ketken. Al jumys istemeitin er adam úide qaldy. Kesh oralǵan áiel ulynyń jaraqattaryn kórip, ýchaskelik politsiia inspektoryna habarlasqan. Bala dereý aýrýhanaǵa jetkizildi», - delingen aqparatta.
Tergeý barysynda anasy aitqandai, kúieýi sol kezde mas bolǵan.
Qazirgi ýaqytta er adamǵa qatysty qorǵaý uiǵarymy shyǵarylyp, QR ÁQBtK-niń 73-babyna sáikes ákimshilik hattama toltyryldy.
