Foto: depositphotos.com
Óskemende joq qantty satqan áiel sottaldy, - dep habarlaidy Tengrinews.kz portaly YK-news.kz saityna silteme jasap.
2022 jyldyń jazynda sottalýshy qala dúkenderindegi qant tapshylyǵyn paidalanyp, WhatsApp jelisinde ónimdi satý týraly habarlandyrý jariialaǵan. Ol 100 paiyz aldyn ala tólem shartymen qantty naryq baǵasynan tómen baǵamen usynady. Biraq oǵan aqsha aýdarǵan satyp alýshylar ýáde etilgen taýardy almaǵan.
Osylaisha alaiaq 289 adamdy aldaǵan. Keltirilgen shyǵyn kólemi 102 million teńgeden asady.
Sot áieldi Qazaqstan Respýblikasy Qylmystyq kodeksiniń 190-baby 4-bóligi 2-tarmaǵy ("Alaiaqtyq") boiynsha kináli dep tanyp, bes jylǵa bas bostandyǵynan aiyrdy.
Úkim zańdy kúshine engen joq.
