Óskemen qalasyndaǵy «Halifa Altai» meshitinde vaktsinatsiia pýnkti ashyldy, dep habarlaidy "Ult aqparat".
16 sáýirde oblystyq «Halifa Altai» meshitinde tolyqtai jabdyqtalǵan mamandandyrylǵan vaktsinatsiia pýnkti jumysyn bastady. Vaktsina alǵan patsient keń kútý zalynda 30 minýt meditsinalyq baqylaýda bolady.
«Birinshiden, bul turǵyndarǵa yńǵaily bolý úshin jasalǵan. Ekinshiden, vaktsinatsiialaý protsesin jedeldetýdiń amaly. Alǵashqy kúni-aq vaktsina alýǵa niet bildirýshiler tabyldy. Barlyq protsedýraǵa shamamen jarty saǵat ýaqyt ketedi. Vaktsinatsiialaý aldynda dene temperatýrasy ólshenip, dárigerdiń mindetti tekserýi júrgiziledi», - delingen ShQO Sanitarlyq-epidemiologiialyq baqylaý departamenti taratqan habarlamada. 
Turǵyndardan tek jeke kýálik pen vaktsina alýǵa bolatyndyǵy jaily dárigerdiń ruqsaty qajet. Patsientke ekinshi dozanyń salynatyn ýaqyty men vaktsinanyń qandai janama áserleri bolatyndyǵy týraly jadynama beriledi.
«Erte me, kesh pe báribir vaktsina alý kerek dep oilaimyn. Vaktsinatsiia ujymdyq immýnitetti qalyptastyrady jáne búgingi ýshyǵyp turǵan epidemiologiialyq ahýaldy jaqsartady. Keibireýler aýrýhanaǵa barǵysy kelmeidi. Al meshittegi pýnktte barlyǵy talapqa sai uiymdastyrylǵan ári óte yńǵaily. Sondai-aq Ana men bala ortalyǵynan jabdyqtar ákelindi. Vaktsinatsiia pýnkti sanitarlyq erejelerge sáikes keledi», - dedi ShQO Bas memlekettik sanitarlyq dárigeri Qanat Turdiev.
