Óskemen qalasy ákimi Jaqsylyq Omar Naýryz merekesi qarsańynda #NarrýNaýryz atty chellendj bastady, dep habarlaidy "Ult aqparat" qala ákimdiginiń baspasóz qyzmetine silteme jasap.
Jaqsylyq Omar Instagram áleýmettik jelisindegi tikelei efir kezinde qaiyrymdylyq kómek kórsetý jáne muqtaj adamdarǵa qoldaý kórsetý maqsatynda chellendj bastaýdy usyndy.
Qala ákimi kóp balaly otbasynan shyqqan 16 jasar Anýar Qadyrovtyń hatyn oqyp berdi. Jasóspirim ózine jáne aǵalary men ápkesine Naýryz meiramy qarsańynda kompiýter syiǵa tartýyn surady.
Jaqsylyq Omar balanyń hatyna jaýap retinde áriptesterimen birge noýtbýk syilap, #NarrýNaýryz chellendjin jariialaýdy sheshkenin aitty.
"Qalanyń barlyq kásipkerlerin, izgi júrekti adamdardy chellendjge belsendi qatysýǵa jáne igi ister jasaýǵa shaqyramyn. Naýryz - jaqsylyq pen jasampazdyqtyń merekesi", - dep atap ótti qala ákimi.
