Foto: Tengrinews.kz
Ortalyq sailaý komissiiasy Bas prokýratýranyń usynysy boiynsha úgit-nasihat talaptaryn buzǵan 4 kandidatty jaýapkershilkke tartýǵa ruqsat berdi, dep habarlaidy QazAqparat.
«Prokýratýra organdary osy sailaý zańnamasynyń múltiksiz saqtalýyna kúndelikti monitoring jasap otyr. Úgit-nasihattyń zań talaptaryna qaishy júrgizilýine bailanysty 5 fakt anyqtaldy, iaǵni olar kandidattardy tirkeý aiaqtalmas buryn sharalaryn bastap ketken. Onyń ishinde 1 kandidat ákimshilik jaýapkershilkke tartyldy. Al, tórteýi tiisti tirkeýden ótip qoiǵan. Zań talaptaryna sáikes, kandidattyń tirkelgen kúnnen bastap sailaý qorytyndysy jariialanǵanǵa deiin sot sheshimimen ákimshilik jaýapkershilikke tartylýy tek Ortalyq sailaý komissiiasynyń kelisimimen ǵana júzege asyrylady. Bas prokýratýra osyndai zań talaptaryn buzý faktilerin sheshý barysynda jáne Ortalyq sailaý komissiiasynyń ruqsatyn alý maqsatynda keshe tiisti usynysty OSK tóraǵasynyń atyna joldady. Bizdiń usynysymyzdy qarap, 4 kandidatty jaýapkershilikke tartýǵa ruqsat berýińizdi suraimyz», - dedi Bas prokýrordyń orynbasary Jandos Ómiráliev.
Onyń aitýynsha, tirkeý aiaqtalmai jatyp, úgit-nasihat jumystaryn bastap ketkender – Astana, Taraz jáne Qaraǵandydaǵy bir mandatty sailaý okrýgterinen shyqqan kandidattar.
«Bas prokýratýra joldaǵan usynymdardyń mazmuny uqsas bolǵandyqtan, osy 4 azamatqa qatysty sheshimdi bir qaýlymen qabyldaýdy usynamyn», - dedi OSK múshesi Asylbek Smaǵulov.
Ortalyq sailaý komissiiasynyń músheleri tirkelgen 4 úmitkerdi jaýapqa tartý sheshimine biraýyzdan qoldaý bildirip, kelisim berdi.
