Reseilik boksshy Evgenii Tishenko óziniń «Ol ultty syilamaimyn» degen sózi úshin keshirim surady. Onyń aitýynsha, atalǵan beinebaian efirge arnalmaǵan bolatyn. Ony jasyryn kameramen túsirip aldy, dep habarlaidy Ult.kz tilshisi Sputniknews.kz saityna silteme jasap.
Aita keteiik, jaqynda reseilik boksshy Evgenii Tishenko «Komsomolskaia pravda» radiosyna suhbat berip, Vasilii Levittiń jankúierleri týraly áńgime qozǵalǵanda: «Ia ih ne silno ývajaiý na samom dele. V printsipe natsiiý ne ývajaiý», – degen qyzba pikirin aityp qaldy E. Tishenko. Stýdiiaǵa kelgen sport sarapshysy ony der kezinde toqtatqan bolatyn.
«Bul sózdi jaryqqa shyǵarmaýy tiis edi. Ony kádimgidei jasyryn kameramen túsirip aldy», - dedi E.Tishenko telefon arqyly habarlasqan tilshige.
Onyń sózine qaraǵanda. Rio Olimpiadasynan kelgennen keiin qazaqstandyqtar ǵalamtor arqyly oǵan kóptegen jaǵymsyz kommentariiler jazdy. Sodan kóńili buzylyp júrdi.
«Shyn máninde, ol ultqa qarsy eshteńem joq. Másele mynada, maǵan qazaqstandyq jankúierlerdiń balaǵat sózderi jazylǵan kóptegen kommentariiler unamaidy. Onyń bári renish týǵyzady eken. Men ózim keshirim suraimyn. Alaida sonshama jaǵymsyz sózderdi estigim kelmeidi. Tóreshiler sheshimin qabyldaǵan men emespin ǵoi», - deidi ol.
