Erli-zaiyptylardyń kezekti janjaly kezinde úige 15 jastaǵy eki uly (bireýi asyrap alǵan uly delinedi) men olardyń 14 jastaǵy dosy kirip qalǵan. Tergeý málimetinshe, qaiǵyly oqiǵa bolǵan kúni politsiia qyzmetkeri úiine kesh kelgen, dep habarlaidy ult.kz.
Marqumnyń jubaiynyń da eks-politsiia qyzmetkeri bolǵany kóp jazylyp júr. Biraq, ol biyl aqpan aiynda ǵana jumystan shyǵyp ketken.
Jaqyndarynyń sózinshe, er adam otbasynda jii janjal shyǵaryp, áieline birneshe ret qol da kótergen. Tipti, áieli birneshe ret denesindegi jaraqat izderin kórsetse de, másele boiynsha naqty shara qoldanylmaǵan.
Erli-zaiyptylardyń kezekti janjaly kezinde úige 15 jastaǵy eki uly (bireýi asyrap alǵan uly delinedi) men olardyń 14 jastaǵy dosy kirip qalǵan. Tergeý nusqasyna sáikes, jasóspirimderdiń biri ákesiniń basynan qatty zatpen soqqy jasaǵan.
Kelinshek pen onyń eki uly jáne 14 jastaǵy jasóspirim Almaty oblysy Talǵar aýdandyq politsiia basqarmasynyń ýaqytsha ustaý izoliatoryna qamalǵan. Beiresmi málimetterge qaraǵanda, olar ózine taǵylǵan kúdikti moiyndaǵan bolýy múmkin. Dese de, bul aqparatty tergeý organdary ázirge resmi túrde rastaǵan joq. Sot sanktsiiasynan keiin olar tergeý izoliatoryna etappen jetkiziledi.
Bul isti tergeý úshin arnaiy jedel-tergeý toby qurylýy yqtimal. Sebebi, qylmys Almaty qalasynda jasalǵanymen, máiit Almaty oblysynyń aýmaǵynan tabylǵan.
