Astanadaǵy Kóktal-1 turǵyn alabynda órt saldarynan zardap shekken otbasy baspana kezeginde turmaǵan. Bul týraly elorda ákimdiginiń baspasóz hatshysy Elvira Júrgenbaeva málim etti, dep habarlaidy QazAqparat.
«Osy kúnge deiin bul otbasy páter alý nemese baspanamen qamtamasyz etý boiynsha kezekke turýǵa qatysty eshqandai ótinish bildirmegen. Olar jergilikti atqarýshy organdarynan da kómek suramaǵan. Kóp balaly otbasy retinde járdemaqy alyp otyrǵan», - dedi baspasóz hatshysy.
Belgili bolǵandai, atalǵan otbasy «Kóktal-1» turǵyn alabyndaǵy jeke turǵyn úidiń aýlasyndaǵy ýaqytsha turǵyn úi qurylysynda turǵan.
«Bizdiń aqparat boiynsha ol týysqandarynyń úii bolǵan. Olar úileriniń janyndaǵy ýaqytsha qurylys nysanyn atalǵan otbasyǵa bergen. Bul otbasy - Astananyń turǵyndary. Naqty óz baspanalary bolmaǵan jáne ákimdikten páter suramaǵan», - dedi Elbvira Júrgenbaeva.
Eske sala keteiik, 4 aqpannyń túninde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúniege kelgen 5 balanyń denesi tabyldy. Eń kishisi nebári úsh ailyq sábi edi.
Sonymen qatar, búgin Astana ákimi Baqyt Sultanov bes balanyń órtten kóz jumýynyń sebep-saldaryn anyqtaýdy talap etti.
