Orman órti saldarynan Grekiianyń áigili Evbeia aralynan 2 myńnan astam adam qaýipsiz jerge kóshirildi. Bul týraly VVS agenttigi habarlady.
Evbeia aralyndaǵy týristeri men turǵyndar paromdarmen materikke qarai shyǵaryldy. Aralda úiler órtenip, elektr jelileri buzylǵan.
Qazirgi kezde búkil Grekiia boiynsha birneshe orman órti órship tur. Olardy sóndirý operatsiialaryna demalys kúnderi júzdegen órt sóndirýshi, áskeri qyzmetkerler, sondai-aq 17 ushaq pen tikushaq jumyldyrylǵan.
«Qazirgi kezde bizde órttiń eki oshaǵy bar, olardyń biri eldiń soltústiginde, taǵy biri – ońtústikte. Ókinishtisi, órt túngi ýaqytta órship tur», - dedi Grekiianyń Azamattardy qorǵaý jónindegi ministriniń orynbasary Nikos Hardalios.
Buǵan deiin orman órtine bailanysty Afiny qalasyndaǵy jaǵdai jaqsardy. Alaida jalynnyń qurǵaq jelden qaita kúsh alý qaýpi bar ekeni eskertilýde. Ótken aptada orman órti Afiny qalasyna jaqyndap, kósheler kózdi ashytatyn tútinge oranǵan edi.
